Dalai Lama pained over Bodhgaya blasts

July 7, 2013 9:50 pm Dharamsala: Terming the series of blasts at Mahabodhi temple complex in Bihar as “unfortunate”, Tibetan spiritual leader Dalai Lama today said “few individuals” could be behind the attack. “The incident is really unfortunate,” he said, adding that few individuals could be responsible for the attack. The Tibetan government-in-exile said it was deeply saddened over the blasts. “I am deeply saddened to learn about the series of bomb blasts at Mahabodhi temple. My prayers for the injured and their family members,” Prime Minister of the government-in-exile Lobsang Sangay said in a statement. Eight low-intensity blasts took place early in the morning in quick succession at the 1,500-year-old Mahabodhi temple, annually visited by millions of pilgrims from all over the world. Two monks were injured in the attack.

རྒྱ་གར་གྱིས་དྲག་སྤྱོད་པ་རྒྱ་ཡན་དུ་གཏོང་ཐབས་མེད་ཅེས་བརྗོད་འདུག

ཟླ་འདིའི་ཚེས་༧ ཉིན་རྡོ་རྗེ་གདན་དུ་འབར་རྫས་ཐེངས་༨ འཐོར་བའི་དོན་རྐྱེན་དེ་བྱུང་རྗེས་༧གོང་ས་མཆོག་དང་རྒྱལ་དབང་ཀརྨ་པ། རྒྱ་གར་གྱི་སྲིད་འཛིན་དང་སྲིད་བློན། དེ་བཞིན་སྲིད་སྐྱོང་བློ་བཟང་སེང་གེ་སོགས་ཀྱིས་ད་རེས་ཀྱི་གནད་དོན་དེར་བློ་ཕམ་ཡོད་སྐོར་གྱི་གསུང་འཕྲིན་གནང་ཡོད་པ་རེད། དེ་ཡང་རྒྱ་གར་གྱི་བརྒྱུད་ལམ་ཁག་ཏུ་གནས་ཚུལ་ཐོན་གསལ་ལྟར་ན། ཟླ་འདིའི་ཕྱི་ཚེས་༧ ཉིན་གྱི་ཞོགས་པའི་ཆུ་ཚོད་༥ དང་སྐར་མ་ ༡༥ ཡས་མས་སུ། རྒྱ་གར་བྷི་ཧར་མངའ་སྡེའི་ནང་ཡོད་པའི་ནང་པའི་གནས་ཆེན་རྡོ་རྗེ་གདན་གྱི་མཆོད་རྟེན་ཆེན་མོའི་ར་བའི་ནང་གི་བྱང་ཆུབ་ཤིང་གི་ཉེ་འཁྲིས་སུ་འབར་རྫས་གཅིག་འཐོར་ཡོད་པ་དང་། དེ་ནས་རིང་པོ་མ་འགོར་བར་མཆོད་རྟེན་དང་ཐག་མི་རིང་བའི་སར་ཡོད་པའི་རྒྱལ་དབང་ཀརྨ་པའི་བཞུགས་གནས་གཏེར་སྒར་དགོན་པ་དང་། ཉི་ཧོང་གི་སྟོན་པའི་སྐུ་བརྙན་གྱི་ཉེ་འགྲམ་སོགས་སུ་འབར་རྫས་ཐེངས་༧ འཐོར་ཡོད་པ་ལས། དགེ་འདུན་པ་གཉིས་ལ་རྨས་སྐྱོན་ཚབས་ཆེན་ཕོག་རྗེས་ཛ་དྲག་ཐོག་སྨན་ཁང་དུ་སྨན་བཅོས་བྱེད་ཀྱི་ཡོད་པ་རེད། འོན་ཀྱང་རྩ་བས་འབར་རྫས་དེ་དག་དེ་ཙམ་གྱིས་ཆེན་པོ་མིན་པར་བརྟེན། འབར་རྫས་འཇོག་ཡུལ་གྱི་ཁང་པ་སོགས་ཀྱི་སྒོ་དང་སྒེའུ་ཁུང་གི་ཤེལ་སྒོ་སོགས་བཅགས་པ་ཙམ་ལས། གཞན་མཆོད་རྟེན་དང་། སྟོན་པའི་སྐུ་བརྙན། ལྷ་ཁང་སོགས་ལ་གཏོར་རྒོལ་ཆེན་པོ་བྱུང་མེད་པ་རེད། དོན་རྐྱེན་དེ་བྱུང་རྗེས་བྷི་ཧར་མངའ་སྡེའི་བློན་ཆེན་(Nitish Kumar) ས་གནས་སུ་གཟིགས་སྐོར་དུ་ཕེབས་ཡོད་པ་མ་ཟད། མངའ་སྡེ་དང་དབུས་གསང་པའི་མི་སྣས་ཐེངས་འདིའི་གནད་དོན་ཐད་རྩད་གཅོད་བྱེད་ཀྱི་ཡོད་ན་ཡང་། ད་དུང་དྲག་སྤྱོད་པ་སུ་ཡིན་དང་རྒྱུ་མཚན་གང་གིས་འབར་རྫས་ཀྱི་དོན་རྐྱེན་བསླངས་ཡོད་མེད་ཀྱི་གནས་ཚུལ་ཁ་གསལ་ཆགས་ཐུབ་མེད་པ་རེད། ཡིན་ན་ཡང་གནས་ཚུལ་དེའི་ཐད་བྷི་ཧར་མངའ་སྡེའི་ཉེན་རྟོག་འགོ་ཁྲིད་ཞིག་གིས་ཧྥ་རན་སིའི་གསར་འགྱུར་ལས་ཁང་ཞིག་ཏུ། རྡོ་རྗེ་གདན་གྱི་མཆོད་རྟེན་འགྲམ་དུ་ནུས་པ་ཆུང་བའི་འབར་རྫས་འགའ་ཤས་ཤིག་གས་གཏོར་བྱུང་ཡོད་སྐོར་དང་། ཁོང་གིས་དེ་ནི་བར་ལམ་འབར་མར་ནང་པ་དང་ཁ་ཆེའི་མི་རིགས་དབར་ལ་འཁྲུག་འཛིང་བྱུང་སྟེ་དགོན་པ་གཏོར་རེས་དང་མི་གསོད་རེས་བྱས་པའི་འཁོན་ལན་དུ། ཁ་ཆེའི་དྲག་སྤྱོད་པས་འཛམ་གླིང་གི་ནང་པའི་གནས་མཆོག་རྡོ་རྗེ་གདན་དུ་འབར་རྫས་ཀྱི་དོན་རྐྱེན་བསླངས་པ་ཞིག་ཡིན་སྲིད་སྐོར་འགྲེལ་བརྗོད་བྱས་འདུག དེ་བཞིན་ཟླ་འདིའི་ཕྱི་ཚེས་༩ ཉིན་རྒྱ་གར་གྱི་བརྒྱུད་ལམ་firstpost.com ཞེས་པར་ས་གནས་ཉེན་རྟོག་པས་གནས་ཚུལ་འགྲེལ་བརྗོིད་བྱས་པ་ལྟར་ན། བྷི་ཧར་གྷ་ཡ་ས་གནས་ཀྱི་Barachatti ཟེར་བ་ནས་ཡིན་པའི་Vinod Mishtri ཟེར་བ་ཞིག་གི་ངོ་རྟགས་འཛིན་བྱང་འབར་རྫས་གཏོར་ཡུལ་ནས་ཉེན་རྟོག་པས་རྙེད་ཡོད་པརབརྟེན། ཁོང་ད་ལྟ་དོགས་གཞིའི་འོག་བཀག་ཉར་གྱིས་འདྲི་རྩད་བྱེད་ཀྱི་ཡོད་འདུག་ལ། གཞན་ཡང་མཆོད་རྟེན་ལ་ལྟ་རྟོག་བྱེད་མཁན་གྱི་ཚོགས་པ་Mahabodhi Temple management Committee ཞེས་པའི་ནང་ལས་ཀ་བྱེད་མཁན་བུད་མེད་ཅིག་ཚུད་པའི་མི་༦ འབར་རྫས་ཀྱི་དོན་རྐྱེན་བྱུང་རྗེས་གློ་བུར་དུ་བརླགས་ཡོད་པར་བརྟེན། ད་ལྟའི་ཆར་ཁོང་ཚོར་ཡང་དོགས་པ་བྱེད་ཀྱི་ཡོད་སྐོར་འགྲེལ་བརྗོད་བྱས་འདུག ད་རེས་ཀྱི་གནད་དོན་དེ་བྱུང་རྗེས་༧གོང་ས་མཆོག་དང་རྒྱལ་དབང་ཀརྨ་པ། རྒྱ་གར་གྱི་སྲིད་འཛིན་དང་སྲིད་བློན། དེ་བཞིན་སྲིད་སྐྱོང་བློ་བཟང་སེང་གེ་སོགས་ཀྱིས་གནད་དོན་དེར་བློ་ཕམ་ཡོད་སྐོར་གྱི་གསུང་འཕྲིན་གནང་སྟེ། མ་འོངས་པར་ཆོས་ལུགས་ཚང་མས་ཕན་ཚུན་ལ་གུས་བཀུར་དང་བརྩི་འཇོག་བྱེད་དགོས་པ་གལ་ཆེན་པོ་ཡིན་སྐོར་གསུང་ཡོད་པ་དང་། རྒྱ་གར་གྱི་སྲིད་བློན་མན་མོ་ཧན་སེན་གྱིས་ “ཆོས་ལུགས་ཀྱི་གནས་ཆེན་འདི་ལྟ་བུ་ཞིག་ལ་གཏོར་རྒོལ་བྱས་པ་ནི་བཟོད་ཐབས་མེད་པ་དང་། གཏོར་རྒོལ་དང་འབྲེལ་བའི་དྲག་སྤྱོད་པ་རྒྱ་ཡན་དུ་གཏོང་ཐབས་མེད་”ཅེས་བརྗོད་ཡོད་འདུག